Image

വഴിതെറ്റിയകലുന്ന മക്കൾക്കു
വഴിപാടു കൊണ്ടെന്തു കാര്യം?
ദേഹത്തിലാടിത്തകരും മനമോ,
ദേവൻ കനിയുവാനാത്മബന്ധമോ!
വഴിപിണയ്ക്കും നിയമങ്ങളെത്ര,
വഴിപോലെ വഴിപാടതെങ്ങോ?
കണ്ണു തെളിക്കാതെ കലക്കും
                       വിവരവിനിമയം
കണ്ണനെത്തേടിത്തീർത്ഥമാടിയൊടുങ്ങുമേ.
കടമയെന്തെന്നറിയാത്തവകാശബോധം.
കെടുതികളേറും കുടുംബബന്ധം.
സ്വന്തമെന്തെന്നറിയാത്ത സ്വാതന്ത്ര്യ
കാഹളം
സ്വയമിരുളിലൂടാലസ്യമേറ്റഭിനയദാഹമെന്നോ!
പെറ്റുപോയെന്നു കേഴും മാതൃത്വമോ,
പീഡനമേറ്റുലയും വികാരനടനങ്ങളോ
ആധിയേറ്റേറും കോശങ്ങളാലടിയുമേ
വിധിയെന്നു വാഴ്ത്തിക്കണ്ണീരിലൊരു ജന്മം.
സത്യം ധരിക്കാതലയും ബിരുദങ്ങളോ,
സദാ നരകത്തിലടിയുന്ന പൗരബോധം.
പുരാണങ്ങളെങ്ങും തെരയുന്ന കാലം
പരാശ്രയത്തിൽപ്പലകേളികളാടിയൊടുങ്ങും.
ആത്മസാന്നിദ്ധ്യമറിയാതറിയാതെ
ജന്മമൊടുങ്ങും സ്വാതന്ത്ര്യബോധം!

Leave a Comments

Image

ഈ പംക്തി ലോകത്ത് ഏത് കോണിലും ജീവിക്കുന്ന മലയാളികള്‍ക്ക് മാത്രമുള്ളതാണ്. ഇങ്ങനെയൊരു പംക്തി ഒരുക്കാന്‍ കാരണം നല്ലൊരു ജീവിതത്തിന് വേണ്ടിയാണ് അവര്‍ ലോകത്തിന്‍റെ ഓരോ കോണിലും ഓടി നടക്കുന്നത്. മാറി മാറി വരുന്ന സാമൂഹ്യ ചുറ്റുപാടുകളില്‍ പോലും അവര്‍ക്ക് ഓട്ടം നിറുത്താന്‍ ആവുന്നില്ല. എങ്കില്‍ നാട്ടിലും മറുനാട്ടിലും ഉള്ളവര്‍ക്കുവേണ്ടി കണ്ണാടി മാഗസിനിലൂടെ" ഒരു കൂട്ടായ്മ ഒരുക്കിയെടുക്കാനുള്ള ശ്രമമാണ്. - ഒരുമിച്ച് നാം ഓണം ഘോഷിക്കുന്നതുപോലെ. അതിന് സാദ്ധ്യമായെങ്കില്‍ എന്‍റെ പ്രയത്നം സഫലമായി. ഈ പംക്തിയില്‍ ആദ്യമായി എഴുതുന്നത് രണ്ടു പേരാണ്. എന്‍റെ സുഹൃത്തും കോളേജ് മെറ്റുമായി ശ്രീ. എം.സി. ജോസഫും . (മാറാട്ടുകുളം ചാക്കോ ജോസഫ്) മറ്റൊന്ന് മറ്റൊരു സുഹൃത്തായ ശ്രീ. രാജീവ് രാജേന്ദ്രനും