Image

 

ഇരുളടർന്ന വഴികൾ തോറും
കരളു നീറും പഥികനായ്
സ്വയമെരിഞ്ഞു പാടി ഞാനും
മൊഴി മറന്ന വീണയായ്


ചന്ദനത്തിൻ ഗന്ധമുള്ള
ചെമ്പകപൂ തുമ്പി അവൾ വന്ന് തൊട്ട നാളു തൊട്ടെ
പ്രണയമെന്നിൽ പൂത്തിരുന്നു.

പെയ്തോഴിഞ്ഞൊരോർമ്മയായ്
എന്നിൽ നീയും മാഞ്ഞുവോ
തീരം തേടുമോളമായ് ഞാൻ
ഈ കടലിൽ ആഴ്ന്നുവോ?

ഹൃദയവീണയറിയാ തൊഴു-
കിടുന്നൊരു രാഗമായ് നീ
ഈയനന്ത ഭൂവിലെന്നെ
മതി മറന്നു പോയതോ?

ഇതൾ കൊഴിഞ്ഞ പൂവുമായ്
അടർന്നുവീണ മാത്രയിൽ
സ്വയമലിഞ്ഞു പാടി വീണ്ടും
തനിയെ നിന്റെ നിസ്വനം

തിരികെ എത്താ തീരം തേടി
ഏകനായ്യലഞ്ഞു പോയി
മരണമെത്തും നേരം  കാത്തു -
വഴി മറന്ന യാത്രയിൽ ......

Leave a Comments

Image

ഈ പംക്തി ലോകത്ത് ഏത് കോണിലും ജീവിക്കുന്ന മലയാളികള്‍ക്ക് മാത്രമുള്ളതാണ്. ഇങ്ങനെയൊരു പംക്തി ഒരുക്കാന്‍ കാരണം നല്ലൊരു ജീവിതത്തിന് വേണ്ടിയാണ് അവര്‍ ലോകത്തിന്‍റെ ഓരോ കോണിലും ഓടി നടക്കുന്നത്. മാറി മാറി വരുന്ന സാമൂഹ്യ ചുറ്റുപാടുകളില്‍ പോലും അവര്‍ക്ക് ഓട്ടം നിറുത്താന്‍ ആവുന്നില്ല. എങ്കില്‍ നാട്ടിലും മറുനാട്ടിലും ഉള്ളവര്‍ക്കുവേണ്ടി കണ്ണാടി മാഗസിനിലൂടെ" ഒരു കൂട്ടായ്മ ഒരുക്കിയെടുക്കാനുള്ള ശ്രമമാണ്. - ഒരുമിച്ച് നാം ഓണം ഘോഷിക്കുന്നതുപോലെ. അതിന് സാദ്ധ്യമായെങ്കില്‍ എന്‍റെ പ്രയത്നം സഫലമായി. ഈ പംക്തിയില്‍ ആദ്യമായി എഴുതുന്നത് രണ്ടു പേരാണ്. എന്‍റെ സുഹൃത്തും കോളേജ് മെറ്റുമായി ശ്രീ. എം.സി. ജോസഫും . (മാറാട്ടുകുളം ചാക്കോ ജോസഫ്) മറ്റൊന്ന് മറ്റൊരു സുഹൃത്തായ ശ്രീ. രാജീവ് രാജേന്ദ്രനും