Image

എന്തിനായി വന്നു നീ 
എന്നോമലേ എന്റെ 
പോയ കിനാക്കൾക്ക് 
നിറമേകിടാൻ 

നിൻ വിരൽ തുമ്പിനാൽ 
തൊട്ടു തലോടിയെൻ 
കളകാഞ്ചി നാദവും 
നീ മറന്നോ ?

തരളാർദ്രമാ രാവിൽ 
ഹൃദയ തുടിപ്പിനാൽ 
നാമൊന്ന് ചേർന്നോരാ 
നാൾ മറന്നോ ?

കറയേതുമില്ലാതെ 
നിന്നിൽ കലർന്നൊരെൻ 
തനുവിൻ തുടുപ്പുമാ 
നീ മറന്നോ ?

പറയാതെ പോയി നീ 
ഒന്നുമീ എന്നോട് 
നീ വരുമെന്നതോർത്തു 
ഞാൻ കാത്തിരുന്നു 

വർഷവും മാഞ്ഞുപോയി 
ശിശിരവും വന്നെത്തി 
നീ മാത്രമെന്തേ 
മറഞ്ഞു നിന്നു 

മറവിയാൽ മൂടിയ 
മനസ്സുമായി ഞാനങ്ങു 
തനിയെ നടക്കാൻ 
പടിച്ചിടുമ്പോൾ 

പിന്നെയും കണ്ടു നാം 
ആ വഴി ഓരത്തു 
ഒന്നും പറയുവാൻ 
അറിയാതെ നിന്നിടുന്നു. 
                         

Leave a Comments

Image

ഈ പംക്തി ലോകത്ത് ഏത് കോണിലും ജീവിക്കുന്ന മലയാളികള്‍ക്ക് മാത്രമുള്ളതാണ്. ഇങ്ങനെയൊരു പംക്തി ഒരുക്കാന്‍ കാരണം നല്ലൊരു ജീവിതത്തിന് വേണ്ടിയാണ് അവര്‍ ലോകത്തിന്‍റെ ഓരോ കോണിലും ഓടി നടക്കുന്നത്. മാറി മാറി വരുന്ന സാമൂഹ്യ ചുറ്റുപാടുകളില്‍ പോലും അവര്‍ക്ക് ഓട്ടം നിറുത്താന്‍ ആവുന്നില്ല. എങ്കില്‍ നാട്ടിലും മറുനാട്ടിലും ഉള്ളവര്‍ക്കുവേണ്ടി കണ്ണാടി മാഗസിനിലൂടെ" ഒരു കൂട്ടായ്മ ഒരുക്കിയെടുക്കാനുള്ള ശ്രമമാണ്. - ഒരുമിച്ച് നാം ഓണം ഘോഷിക്കുന്നതുപോലെ. അതിന് സാദ്ധ്യമായെങ്കില്‍ എന്‍റെ പ്രയത്നം സഫലമായി. ഈ പംക്തിയില്‍ ആദ്യമായി എഴുതുന്നത് രണ്ടു പേരാണ്. എന്‍റെ സുഹൃത്തും കോളേജ് മെറ്റുമായി ശ്രീ. എം.സി. ജോസഫും . (മാറാട്ടുകുളം ചാക്കോ ജോസഫ്) മറ്റൊന്ന് മറ്റൊരു സുഹൃത്തായ ശ്രീ. രാജീവ് രാജേന്ദ്രനും