Image

അടുക്കളയടുപ്പിലൂതിയൂതി,

പുകയിൽ കുതിരുന്ന മകളെ നോക്കി,

അടുപ്പിലെരിയുന്ന ചുള്ളിക്കമ്പും,

അറിയാതെ മിഴി നനഞ്ഞു,

താതഹൃദയവുമപ്പോൾ.

 

ഒരുപാടലഞ്ഞു കൊല്ലന്റെ  ആലയിൽ

ഒരുനല്ല കോടാലി പണിയിക്കാൻ.

അകലെയാണെങ്കിലും

മകളുടെയരികിൽ, ആ നല്ലയച്ഛന്റെ വ്യാകുലത.

 

പണിതിട്ടും പോരാതെ,

മൂർച്ച കൂട്ടിയും ഇരുമ്പിന്റെ കൈയും 

മിനുസമാക്കിക്കൊണ്ടുകൊടുത്താണാ കോടാലി,

ഇന്നിതാ മോഷണം പോയല്ലോ

ആകെത്തളർന്നാ മകളും,

അച്ഛൻ്റെ സ്നേഹസഹനസമ്മാനം,

ആരോ എടുത്തുകൊണ്ടുപോയില്ലേ ! 

ആരാണെങ്കിലും ചോദിച്ചാൽ കൊടുക്കില്ലേ ?

കോടാലിക്കാണോ ക്ഷാമമോ?

നാട്ടുകാർമൂക്കത്തുവിരൽവച്ചു.

ഇരുമ്പുകോടാലിയിലുണ്ടേ,

അച്ഛൻ്റെ വിയർപ്പിലെ ഉപ്പ്

അമ്മയുടെ ലാളനത്തണുപ്പ്.

 

കിട്ടിയിരുന്നേലെന്നാശിച്ചുപോയേ

അവരുടെ നൊമ്പരം കാൺകേ,

വിറകടുപ്പിൻ്റെ വേദന കണ്ടു,

ഗ്യാസടുപ്പിൻ്റെയാഹ്ലാദം

 

കോടാലിനോക്കിനടന്നൂ നിത്യം

വീടും പരിസരം വൃത്തിയായി,

നഷ്ടം മനസ്സിനെ ഹനിച്ചു

ഏതോ വീട്ടിലിരിക്കുകയാവാം

ആ പെൺകുഞ്ഞിൻനൊമ്പരം കാണാതെ !

Leave a Comments

Image

ഈ പംക്തി ലോകത്ത് ഏത് കോണിലും ജീവിക്കുന്ന മലയാളികള്‍ക്ക് മാത്രമുള്ളതാണ്. ഇങ്ങനെയൊരു പംക്തി ഒരുക്കാന്‍ കാരണം നല്ലൊരു ജീവിതത്തിന് വേണ്ടിയാണ് അവര്‍ ലോകത്തിന്‍റെ ഓരോ കോണിലും ഓടി നടക്കുന്നത്. മാറി മാറി വരുന്ന സാമൂഹ്യ ചുറ്റുപാടുകളില്‍ പോലും അവര്‍ക്ക് ഓട്ടം നിറുത്താന്‍ ആവുന്നില്ല. എങ്കില്‍ നാട്ടിലും മറുനാട്ടിലും ഉള്ളവര്‍ക്കുവേണ്ടി കണ്ണാടി മാഗസിനിലൂടെ" ഒരു കൂട്ടായ്മ ഒരുക്കിയെടുക്കാനുള്ള ശ്രമമാണ്. - ഒരുമിച്ച് നാം ഓണം ഘോഷിക്കുന്നതുപോലെ. അതിന് സാദ്ധ്യമായെങ്കില്‍ എന്‍റെ പ്രയത്നം സഫലമായി. ഈ പംക്തിയില്‍ ആദ്യമായി എഴുതുന്നത് രണ്ടു പേരാണ്. എന്‍റെ സുഹൃത്തും കോളേജ് മെറ്റുമായി ശ്രീ. എം.സി. ജോസഫും . (മാറാട്ടുകുളം ചാക്കോ ജോസഫ്) മറ്റൊന്ന് മറ്റൊരു സുഹൃത്തായ ശ്രീ. രാജീവ് രാജേന്ദ്രനും