Image

ഇടറിയൊഴുകുന്നൊരാ പുഴവക്കിൽ കണ്ടൊരാ
ശ്വേത വർണ്ണം തുളുമ്പുന്ന കല്ല്
അതിനിടയിൽ വിരലിട്ട കൺമണി കണ്ടതോ
ഭീതിയിൽ ഒളിഞ്ഞിടും ചെറുമീനുകൾ
പുൽപാടം പോലൊരാ പാതയിൽ നീങ്ങവെ
ചോദ്യങ്ങളനവധിയുദിച്ചു ഹൃത്തിൽ
എങ്കിലും ആ നോട്ടം കൊണ്ടൊരാ മലയിതാ-
പകരുന്നു ശാന്തി തൻ മധുര സ്മിതം.
തേടി ഞാൻ പല വഴി ആ കാരണം
എന്തിനവൾ വെറുതെ ചിരി തൂകുന്നു?
വെട്ടിയ മാറുണ്ട്, പതറിയ നെഞ്ചുണ്ട്
ഇറ്റിറ്റു വീഴും ചുവപ്പുണ്ട്.
കൂർത്തൊരാ ചില്ലുകൾ പോറിച്ച വിരലുകൾ
എന്നിട്ടുമവളെന്തെ ചിരി തൂകുന്നു ...
കരയുവാൻ കണ്ണുനീർ ബാക്കിയില്ലാഞ്ഞിട്ടോ
ദു:ഖം മടുപ്പായി തോന്നിയിട്ടോ ?
എങ്കിലും അവളുടെ ആ ചിരി ഹൃദയത്തെ
കുത്തി നോവിപ്പിക്കുമെന്നു സത്യം.
ചിരിയുണ്ട് പ്രകൃതി തൻ അധരത്തിൻ മറവിലെ
വേദന മറച്ചിടും കുസൃതി ചിരി
സഹനത്തിൻ പര്യായം നീ തന്നെ മറ്റാര്
നിൻ മുന്നിൽ തല കുമ്പിടുന്നു ഞങ്ങൾ
വീഴില്ല നിൻ മെയ്യിൽ ഇനിയൊരു വിള്ളലും
കാക്കുവാൻ ഞാനുണ്ട്, ഞങ്ങളുണ്ട്.

Leave a Comments

Image

ഈ പംക്തി ലോകത്ത് ഏത് കോണിലും ജീവിക്കുന്ന മലയാളികള്‍ക്ക് മാത്രമുള്ളതാണ്. ഇങ്ങനെയൊരു പംക്തി ഒരുക്കാന്‍ കാരണം നല്ലൊരു ജീവിതത്തിന് വേണ്ടിയാണ് അവര്‍ ലോകത്തിന്‍റെ ഓരോ കോണിലും ഓടി നടക്കുന്നത്. മാറി മാറി വരുന്ന സാമൂഹ്യ ചുറ്റുപാടുകളില്‍ പോലും അവര്‍ക്ക് ഓട്ടം നിറുത്താന്‍ ആവുന്നില്ല. എങ്കില്‍ നാട്ടിലും മറുനാട്ടിലും ഉള്ളവര്‍ക്കുവേണ്ടി കണ്ണാടി മാഗസിനിലൂടെ" ഒരു കൂട്ടായ്മ ഒരുക്കിയെടുക്കാനുള്ള ശ്രമമാണ്. - ഒരുമിച്ച് നാം ഓണം ഘോഷിക്കുന്നതുപോലെ. അതിന് സാദ്ധ്യമായെങ്കില്‍ എന്‍റെ പ്രയത്നം സഫലമായി. ഈ പംക്തിയില്‍ ആദ്യമായി എഴുതുന്നത് രണ്ടു പേരാണ്. എന്‍റെ സുഹൃത്തും കോളേജ് മെറ്റുമായി ശ്രീ. എം.സി. ജോസഫും . (മാറാട്ടുകുളം ചാക്കോ ജോസഫ്) മറ്റൊന്ന് മറ്റൊരു സുഹൃത്തായ ശ്രീ. രാജീവ് രാജേന്ദ്രനും